Rěcam pśichylona komuna – Serbska rěc jo žywa
- Kak wótběžy wuběźowanje?
- Chto smějo se wobźěliś?
- Co se gódnośijo ?
- Chto wugódnośijo zapódane pódłožki?
- Kake wuznamjenjenja Was wócakuju?
“By było napšawdu wjelgin k
woblutowanjeju a wjelika
škóda za rěcywědu, gaby toś
ta rědna a na pśijaznej zukatosći
italšćinje se rownajuca rěc
dejała zajś.”
prof. dr. Arnošt Muka,
serbski rěcywědnik (1854 – 1932)
Na swěśe dajo něźi 6500 rěcow, wjelike a małe, znate a mjenjej znate. Jadna wót toś tych “małych” jo dolnoserbska rěc. Wóna wobogaśijo žywjenje we Łužycy a wóznamjenijo za luźe tych stronow pśijaśelskosć a domownja. Tudejša kulturna wjeleserosć se pregujo pśedewšym pśez serbsku rěc. We wjele familijach, w źiśownjach a šulach, w institucijach a w kulturnem a cerkwinskem žywjenju jo wóna doma.
Aby se teke w pśichoźe powědała, rozměła, cytała a spiwała, trjeba wóna pódpěru nas wšyknych a pśipóznaśe w šyrokej zjawnosći. W žywjenju komunow musy wóna měś swójo rownopšawne městno. Tak wóna dostawa teke trěbnu akceptancu a pócesćenje. Rowno tomu zaměroju słužy wuběźowanje “Rěcam pśichylona komuna – Serbska rěc jo žywa”. Pytaju se komuny, kenž su nejwěcej rěcam pśichylone a kótarež toś ten towarišnostny a kulturny nadawk nejžlěpjej pódpěruju a spěchuju. Granice za ideje a aktiwnosći njejsu stajone. Dobyś pak budu slědkoju wšykne, kótarymž serbska rěc a jeje zdźaržanje a pśichod na wutšobje laže.
Kak wótběžy wuběźowanje?
Akcija se zgromadnje z Lichotnym statom Sakska 07. junija 2010 w Slěpem wótwórijo. Wuběźowańske pódłožki a dalšne informacije dostanjośo pla
Rady za serbske nastupnosći
pśi Krajnem sejmje Bramborska
August-Bebel-Str. 82
03046 Cottbus
Tel.: 0355/485 76-432.
Pódłožki maju se pód górjejce pómjenowaneju adresu až do
31. měrca 2011 zapódaś.
Chto smějo se wobźěliś?
Wšykne gmejny, města a wejsne źěle, kenž słušaju k serbskemu sedleńskemu rumoju Bramborskeje, a teke te komuny, kenž se na zakłaźe swójich stawiznow k swójim serbskim kórjenjam póznawaju.
Co se gódnośijo ?
Wobźělniki zapisuju do kataloga pšašanjow, kótare aktiwnosći a procowanja dajo w tej chyli w jich komunje a kótare nowe pśedewześa se pśigótuju, aby pokazali serbsku rěc w zjawnosći a ju pódpěrowali. To wšykno móžo se z dalšnymi informacijami a wobrazowym materialom wudopołnjowaś.
Chto wugódnośijo zapódane pódłožki?
Jury se zestaja ze zastupnikow Krajnego sejma Bramborska, Rady za serbske nastupnosći, ministerstwa za wědomnosć, slěźenje a kulturu, Domowiny-župa Dolna Łužyca z. t., zagronitych za serbske nastupnosći, Załožby za serbski lud a pśedewześa Vattenfall Europe Mining.
Kake wuznamjenjenja Was wócakuju?
Nejžwěcej rěcam pśichylone komuny dostanu myta we wusokosći wót 500 € až do 1.000 € we wšakorakich kategorijach ako teke cesnu toflu. Za wósebnje zajmne ideje a iniciatiwy dajo wósebne a spěchowańske myto.
Prezident Krajnego sejma Bramborska pśewzejo patronatstwo za toś to wuběźowanje.
Projekt se spěchujo a pódpěrujo pśez Krajny sejm Bramborska, Domowinu-župa Dolna Łužyca z. t., pśez Załožbu za serbski lud, pśez rozgłos Barliń-Bramborska (rbb) a pśedewześe Vattenfall Europe Mining. Iniciator jo Rada za serbske nastupnosći pśi Krajnem sejmje Bramborska.
Zusatzinformationen
Kontakt
Die Wettbewerbsunterlagen und weitere Informationen erhalten Sie beim
03046 Cottbus/Chóśebuz